MENU
klinika

Fotot e para të vogëlushes

Princ Leka dhe Elia Zaharia na prezantojnë me Geraldinën

31.10.2020 - 10:31

Pak ditë më parë Princ Leka dhe princeshë Elia Zaharia u bënë prindër për herë të parë. Elia solli në jetë një vajzë dhe nënë e bijë gëzojnë shëndet të plotë.

Çifti e pagëzoi të bijën me emrin Geraldina, duke trashëguar emrin e Mbretëreshës.

Sot Elia Zaharia ka ndarë në profilin e saj zyrtar fotot e para familjare me vajzën e tyre në krah. Ajo thotë se të qenit prind është një bekim që po e shijojnë të dy.

“Të dashur miq, ju falenderojmë përzemërsisht për urimet tuaja me rastin e lindjes së vajzës sonë, Geraldine. Të qenit prind është një bekim, që falë Perëndisë ne të dy po e shijojmë çdo moment! Dita e lindjes së Princeshës sonë ishte veçanërisht emocionuese, pasi erdhi në ditën kur plot 18 vjet më parë, Mbretëresha Geraldine u largua nga kjo jetë. Për ne të dy ishte një përshëndetje nga bota e engjëjve! Ne si prindër urojmë me gjithë zemër që Princesha e vogël Geraldine të rritet e shëndetshme, ta ketë zemrën të mbushur me dashuri, ta dojë dhe ta vlerësojë jetën, dhe jeta ta përkëdhelë me butësi dhe ëmbëlsi vogëlushen tonë”, shkruan Elia.

VAZHDO TË LEXOSH MË TEPËR PËR TEMËN