MENU
klinika

Konflikti nuk ndalet...

Tension në Egje: 6 anije luftarake greke bllokadë anijes turke

21.10.2020 - 15:13

Situata e tensionuar në det mes Greqisë dhe Turqisë nuk duket të jetë drejt përmirësimit. Athina po shkëmben mesazhe publike me Ankaranë, duke theksuar nivelin e gatishmërisë së forcave të armatosura greke.

Nga ajo që duket në disa foto të publikuara, të paktën pesë anije luftarake greke të vendosura në radhë duket se janë duke krijuar një mur në 6 milje detare nga Kastelorizo, në kufirin e zonës bregdetare greke.

Në disa nga fotografitë, Oruç Reis mund të shihet në një distancë të dukshme, e shoqëruar nga pesë anije luftarake turke dhe shoqëruesit e Ataman dhe Cengiz Han.

Nuk është specifikuar nëse fotografia kap hyrjen e flotës turke brenda kufirit të zonës prej 12 milje detare nga brigjet e Megisti.

As nuk është e lehtë të shihet nëse anija kërkimore turke ka vendosur vërtet kabllot pesë kilometra të gjata që Ankaraja pretendon se ishin zhytur në det si pjesë e një studimi sizmik dy-dimensional.

Të martën, më 20 tetor, rreth orës 10 të mëngjesit, për herë të dytë në 48 orë, Oruç Reis theu kufirin e 12 miljeve detare të zonës bregdetare greke dhe arriti një distancë prej 9 miljesh detare nga Kastellorizo.

Në një distancë prej 6 miljesh detare nga arkipelagu i Megisti, pesë anije luftarake greke ishin rreshtuar, duke dërguar mesazhin se vija e kuqe e Athinës është zona bregdetare aktuale greke prej 6 miljesh detare. Forcat e Armatosura Greke janë në veprim, në gatishmëri të lartë.

VAZHDO TË LEXOSH MË TEPËR PËR TEMËN