21.11.2020 - 23:04
Trajneri Ole Gunnar Solskjaer mund të marrë frymë lirshëm. Manchester United e ka mbyllur me fitore ndeshjen kundër West Bromwich Albion me rezultatin 1-0. “Djajtë e kuq” morën 3 pikë të arta, pavarësisht se nuk shkëlqyen në fushën e blertë.
Pjesa e parë e ndeshjes u mbyll me rezultatin 0-0. Vendasit nuk arritën të çanin drejt portës kundërshtare. Djemtë e trajnerit Ole Gunnar Solskjaer ishin më të qartë në pjesën e dytë dhe ia arritën të zhbllokoheshin.
Pjesa e dytë solli dhe golin e fitores. Bruno Fernandes ktheu në gol një penallti të akorduar nga gjyqtari kryesor i ndeshjes. Portugezi nuk gaboi për t’i dhënë 3 pikët e ekipit të Solskjaer. Goli i tij qëndroi në fuqi deri në fund të sfidës dhe vendasit koleksionuan 3 pikë të rëndësishme.
VAZHDO TË LEXOSH MË TEPËR PËR TEMËN
Premier League, Java 9
