MENU
klinika

Ideja e çuditshme

Edhe në Hënë bëhen gara me makina!

04.12.2020 - 10:30

Elon Musk ka një ide të re “të çmendur”.

SpaceX, një kompani në pronësi të Elon Musk, ka në plan të dërgojë dy makina në hapësirë ​​për të garuar në Hënë.

Elon Musk planifikon të punojë me Frank Stephenson, një dizajner i famshëm i Ferrarit, për të zhvilluar dy makina të telekomanduara.

Këto automjete pritet të lëshohen në vitin 2021 si pjesë e misionit të SpaceX, transmeton Telegrafi.

Stephenson është gjithashtu i njohur për punën e tij në McLaren, BMW dhe marka të tjera të makinave të nivelit të lartë. Business Insider raportoi se një SpaceX Falcon 9 pritet të nisë makinat e ardhshme në tetor të vitit 2021.

“Ky është një projekt që ndihmon në zhvillimin e inovatorëve të së ardhmes, duke i lejuar ata të ëndërrojnë gjëra të mëdha dhe të kuptojnë se asgjë nuk është e pamundur”, tha Stephenson.

“Hapësira është një vend magjepsës, mbetet i pashfrytëzuar për projektuesit që lulëzojnë dhe unë mezi po pres të ndaj disa nga njohuritë e mia me ata që janë përfshirë në këtë projekt inovativ”, shtoi ai.

Nxënësit e shkollave të mesme do të drejtojnë automjetet

Dy ekipe nxënësish të shkollave të mesme do të drejtojnë automjetet e ardhshme me telekomandë. Shumë gjimnazistë nga e gjithë bota do të garojnë në tetë javë dhe ata që janë të kualifikuar do të përfshihen në gjashtë ekipet e mbetura.

Secila skuadër do të ketë pesë anëtarë. Ky projekt u bë i mundur nga Moon Mark, një kompani arsimore multimediale.

Ekipet e mbetura do të punojnë së bashku me Stephenson.

Projektuesi i Ferrarit shpjegoi se aventurat e gjimnazistëve në hapësirë ​​do të kapen, prodhohen dhe shpërndahen në të gjithë botën nga Moon Mark.

Gara e hënës do të ndihmojë të rinjtë

Stephenson dhe nxënësit e shkollave të mesme nuk kanë lëshuar ende ndonjë azhurnim se si do të duken automjetet.

Pasi makinat të prodhohen, ato do të barten në një zbarkues hënor Nova-C, i cili është krijuar nga Intuitive Machines, një kompani që punon me Moon Mark dhe Lunar Outpost.

Ky mision hapësinor do të ndihmojë brezat e rinj pasi që ata do të përfshihen në hapësirë ​​ajrore. Gara e hënës do t’i ndihmojë ata të kuptojnë më shumë rreth hapësirës.