Aktiviteti i biznesit në zonën e euros ra në një minimum prej dy muajsh në Janar, tregojnë të dhënat paraprake të zbuluara të sot, pasi bllokimet më të ashpra të lidhura me koronavirusin hyjnë në fuqi për të ndaluar përhapjen e llojeve të reja Covid-19.
Indeksi përfundimtar i Menaxherëve të Blerjeve të Përbërë të HS Markit (PMI), i cili konsiderohet një matës i mirë i shëndetit ekonomik dhe kombinon si prodhimin ashtu edhe shërbimet, ra në 47.5 në Janar, përkundrejt 49.1 në Dhjetor.
“Kufizimet më të forta të COVID19 i bënë një dëm të mëtejshëm bizneseve në janar,” tha në një deklaratë Chris Williamson, ekonomisti kryesor i biznesit në IHS Markit, duke shtuar se një recesion i dyfishtë i rajonit po duket “gjithnjë e më i pashmangshëm”.
“Prodhimi ra me një ritëm të shpejt, i udhëhequr nga përkeqësimi i kushteve në sektorin e shërbimeve dhe një dobësim i rritjes së prodhimit në nivelin më të ulët të parë deri më tani në rimëkëmbjen shtatë-mujore të sektorit”, thotë raporti.
Në fillim të kësaj jave, Presidentja e Bankës Qendrore Evropiane Christine Lagarde pranoi se numri në rritje i rasteve dhe bllokimet e reja të lidhura me pandeminë në të gjithë rajonin po prishin aktivitetin ekonomik, duke paraqitur “rreziqe serioze” për ekonominë e zonës euro.
“Aktiviteti në sektorin e prodhimit vazhdon të mbahet mirë, por aktiviteti i sektorit të shërbimeve po frenohet ashpër, megjithëse në një shkallë më të vogël se gjatë valës së parë të pandemisë në fillim të vitit 2020,” tha Lagarde gjatë një konference shtypi pas takimit të BQE.
Ajo gjithashtu shprehu shqetësimin rreth vaksinimit të ngadaltë në të gjithë BE-në mes të llojeve të reja Covid-19. Rregullatori vendosi të mbajë të pandryshuara normat e interesit dhe programet e tij më të gjera stimuluese pasi lëshoi mbështetje shtesë në dhjetor.
“Në këtë mjedis stimulimi i mjaftueshëm monetar mbetet thelbësor”, tha Lagarde.
Sipas parashikimit të BQE-së, PBB-ja e zonës euro do të rritet 3.9 përqind në 2021, dhe 2.1 përqind në vitin e ardhshëm. Kjo është pas një rënie të konsiderueshme prej 7.3 përqind vitin e kaluar. Rregullatori shtoi se numrat varen shumë nga rezultati i pandemisë.
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
“Recesioni global është i pashmangshëm”
“Mjellma e zezë” e tregjeve financiare
“Ekonomia e luftës” apo ”korona-ekonomia”?
