Projektet kinematografike ku interpretojnë aktorë me ngjyrë, po marrin gjithmonë e më shumë vëmendje kohët e fundit. Lëvizja hollivudiane për njerëzit me ngjyrë, është paraqitur në mesin e një periudhe mjaft të vështirë politike dhe kulturore, pas protestave të dhunshme që u përhapën në të gjithë botën, me vrasjen e afro amerikanit, George Floyd.
Për këtë arsye, Instituti Amerikan i Filmit (AFI) ka përzgjedhur 10 filmat më të bukur, realizuar gjatë 2020-ës, ku të pranishëm janë vetëm aktorët që vijnë nga komunitetet të ndryshme.
Lista vjetore, publikuar përpara shfaqjeve kryesore të ndarjes së çmimeve për vitin 2021, është një nga treguesit e parë, se këto filma do të përzgjidhen edhe në Oscars dhe Golden Globes.
Drama Spike Lee në Vietnam “Da 5 Bloods”, filmi i fundit i Chadwick Boseman “Ma Rainey’s Black Bottom,” “One Night in Miam” dhe “Historia e Panterës së Zezë”, janë mes filmave që u nderuan me çmim, si më bukur të realizuar nga ana artistike.
Muzikali “Hamilton”, për etërit themelues të Shteteve të Bashkuara, mori çmimin kryesor të mbrëmjes, për mënyrën e interpretimit të aktorëve.
“Minary”, historia e një familjeje emigrante koreane, që është në kërkim të ëndrrës amerikane në vitet 1980, është gjithashtu në listë, së bashku me filmin e animuar, “Soul”, me protagonist Jamie Foxx, “Gjyqi i Çikagos 7”, “Nomadland, dhe “Mank “.
Çmimet AFI, që jepen nga një juri kineastësh, kritikësh e akademikësh, çdo vit nderon të gjitha ekipet krijuese të filmave dhe shfaqjeve televizive, konsideruar si më përfaqësuese nga ana kulturore dhe realizimi artistik.
VAZHDO TË LEXOSH MË TEPËR PËR TEMËN
‘Derisa të besosh te vetja, nuk ke për të pasur një jetë’
‘Nëntori i Ftohtë’ korr sukses në Cyrih
