As pasioni, as e vërteta nuk sfidohen nga mosha. I tillë është modeli që vjen nga një vend ku, liria e fjalës dhe e mendimit, shihen si të paligjshme. Për një kontribut të palodhur, të drejtë dhe objektiv, gazetarja nga Turkmenistani renditet në mesin e tre finalistëve për çmimin prestigjioz për të drejtat e njeriut. Kjo, për raportimet nga atdheu i saj, i njohur si një prej vendeve me më pak liri në botë.
Zyrtarët e Çmimit “Martin Ennals” për Mbrojtësit e të Drejtave të Njeriut në Gjenevë, thanë të hënën se zonja Soltan Achilova i dokumenton shkeljet e të drejtave të njeriut dhe problemet sociale që prekin turkmenët dhe jetën e tyre të përditshme.
Juria e përbërë nga 10 grupe të aktivistëve, përfshirë organizatën “Amnesty International”, e njohën punën e Achilovës në një shtet ku, sipas jurisë, liria e fjalës nuk ekziston dhe ku, gazetarët e pavarur punojnë duke vënë veten në rrezik, sipas “Free Europe”.
“Pavarësisht mjedisit shtypës dhe vështirësive personale, ajo është një nga reporterët e paktë në vend, që guxon në nënshkruajë artikuj të pavarur” – thuhet në deklaratën nga ana e jurisë.
Achilova është kontribuuese në faqen e pavarur të lajmeve me bazë në Vjenë, “Khronika Turkmenistana” (“Kronikat e Turkmenistanit”), që merret më shumë me lajmet dhe zhvillimet në Turkmenistan. Në të kaluarën, ajo ka punuar edhe për radion “Evropa e Lirë”.
Gazetarja është përndjekur dhe ka qenën nën presionin e autoritetet shtetërore, që nuk e tolerojnë gazetarinë e pavarur. Ajo është ndaluar nga policia dhe është sulmuar fizikisht nga zyrtarët, bandat, apo individë të paidentifikuar, ndërsa edhe të afërmit e saj, janë përballur me trysni nga autoritetet.
Dy të nominuarit tjerë për këtë çmim, janë mbrojtësja saudite e të drejtave të grave, Loujain Al-Hathloul dhe avokati nga Kina, aktivist për të drejtat e njeriut, Yu Wensheng. Të dy, aktualisht ndodhen në burg, për punën që kanë bërë.
Ceremonia e ndarjes së çmimit prestigjioz, do të ndahet përmes një organizimi online, më 11 shkurt.
VAZHDO TË LEXOSH MË TEPËR PËR TEMËN
‘Jeta pushon së qeni qëllim dhe shndërrohet në mjet’
’97-ta shqiptare vjen nga Spanja
