MENU
klinika

Kancelari austriak, i prerë

Kurz: Pa marrëveshje me Kosovën, Serbia s’mund të hyjë në BE

26.01.2021 - 12:30

Kancelari austriak Sebastian Kurz ka folur për mediat në Serbi për zgjerimin e BE-së, raportet me Kosovën si dhe kushtin e Serbisë që ta pranojë Kosovën, nëse synon të jetë anëtare e Bashkimit Evropian.

I pyetur për marrëveshjet e arritura mes Kosovës dhe Serbisë në Bruksel, Kurz tha se “pa ndërmjetësimin e BE-së, nuk do të vinte deri te ndonjë marrëveshje në Bruksel”.

“Detyrën për këto çështje BE-ja ia ka besuar Mirosllav Lajçakut, një diplomati me përvojë, që gëzon përkrahje të plotë të BE-së dhe Austrisë. Por, në fund nevojitet vullneti dhe guximi politik i Prishtinës dhe Beogradit, pa të cilat nuk do të ketë sukses. Gjithashtu është e nevojshme përkrahja e komunitetit ndërkombëtar në veçanti bashkëpunimi i ngushtë me SHBA-të”, ka shtuar Kurz.

Ndërkaq i pyetur nëse për Serbinë është kusht pranimi i Kosovës nëse shpreson të anëtarësohet në Bashkimin Evropian, kancelari austriak tha se “gjatë vizitës së tij të fundit në Beograd, dy vite më parë – ka theksuar se Serbia duhet të jetë e vetëdijshme se nuk do të ketë pranim në BE pa normalizim të marrëdhënieve mes Prishtinës dhe Beogradit.

“Ajo çfarë është më e rëndësishme është që të dyja palët duhet të merren vesh për normalizim të marrëdhënieve. Kjo duhet t’i kontribuoj stabilitetit në rajon”, ka shtuar ai.

Kurz ka folur edhe për raportet me Kosovën, ku theksoi se Austria ka raporte të shkëlqyeshme bilaterale me vendin tonë.

“Me kontingjentin tonë të trupave në kuadër të KFOR-it, që është numri më i madh i trupave austriake të stacionuara jashtë vendit, prioritet kemi sigurinë dhe stabilitetin e Kosovës dhe tërë rajonit”, ka thënë për fund Kurz. /Telegrafi/

Pavarësisht nga fakti se nuk ka njohje të tërësishme ndërkombëtare

Historiani serb: Kosova është e pavarur, të gjithë e dinë…

Rusia gjithmonë është përpjekur që ta pengojë arritjen...

Dialogu me Serbinë, Kosova i përgjigjet Rusisë

"dialogu Kosovë-Serbi të mos zvarritet"

Ali Ahmeti: Albin Kurtin e presin sfida të mëdha