Histori e pazakontë, një ëndërr e realizuar falë këmbënguljes dhe pasionit të jashtëzakonshëm për futbollin. Episodi prekës ndodhi në raundin e tretë të FA Cup në Angli.
Declan Thompson, 18 vjeç, debutoi me skuadrën e parë të Sheffield Wednesday. Ai ka një të kaluar të dhimbshme. Në moshën 5-vjeçare u diagnostikua me sëmundjen “Perthes”, një sëmundje e rrallë që shfaqet te fëmijët.
Iu nënshtrua disa operacioneve, duke e kaluar fëmijërinë e tij në karroce me rrota. Pavarësisht vështirësive, Thompson nuk u dorëzua për të realizuar ëndrrën e tij dhe ia doli. Ai luajti ndeshjen e parë si profesionist.
Declan Thompson was told he might never walk again after spending years in a wheelchair with Perthes Disease.
He made his @swfc debut in the FA Cup this weekend – and his dad was incredibly proud.
Love every bit of this. ♥️pic.twitter.com/2Q2Lb4lIRy
— thesportsman (@TheSportsman) January 12, 2021
Familjarët e tij e kanë ndjekur nëpërmjet ekranit dhe emocionet ishin të mëdha, teksa i ati nuk i mbajti dot lotët kur e panë djalin e tyre të futej në fushë. Një histori motivuese për shumë fëmijë e djem të rinj që duan të realizojnë ëndrrën e tyre.