Tashmë është zyrtare. Botërori i ri i Formula 1 do të nisë më 28 mars me Çmimin e Madh të Bahreinit. Është ky vendimi i marrë nga krerët e lartë të Formula 1, që kanë azhornuar kalendarin e 2021 pas urgjencës shëndetësore që ka përfshirë disa prej shteteve pritëse.
Pas shumë diskutimesh, pista që ishte programuar edhe për të pritur tashmë tradicionalisht Çmimin e parë të madh të Formula 1, ajo e Australisë është shtyrë për t’u zhvilluar më 21 nëntor.
Për shkak të kufizimeve të vazhdueshme të udhëtimit në vend, Çmimi i Madh Kinez 2021 nuk do të zhvillohet në datën e tij të planifikuar, me Imola që merr vendin e saj dhe kthehet në kalendarin Formula 1, si cirkuiti i dytë i kampionatit.
2021 CALENDAR UPDATE
🇧🇭 Season starts in Bahrain 26-28 Mar
🇦🇺 Australia moves to 19-21 Nov
🇮🇹 Imola returns 16-18 Apr; China discussions ongoingDates of Brazil, Saudi Arabia and Abu Dhabi races all change#F1 pic.twitter.com/4QoP0gKKsA
— Formula 1 (@F1) January 12, 2021
Megjithatë, diskutimet për Çmimin e madh aziatik janë ende në vazhdim dhe gjasat janë që ajo të përfshihet në kalendarin final të kampionatit. Për këtë, gara e tretë mbetet ende pa një destinacion fiks, me Kinën që garon për atë biletë me pistën portugeze të Portimao, e cila është edhe pista rezervë në këtë kampionat të Formula 1. Formula 1 e mbyll udhëtimin në vitin 2021 në pistën e Yas Island në Abu Dhabi.