“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacientja: Si të ulni obezitetin tek fëmija?
Mjeku: Një strategji për të ulur normat e obezitetit tek fëmijët, përveç një diete të shëndetshme dhe një aktiviteti të rregullt fizik, mund të burojë nga ndalimi i reklamimit të ushqimeve të pasura me yndyrë, sheqer dhe kripë.
Duke u referuar tek një studim anglez i kohëve të fundit i kryer nga Universiteti i Kembrixhit dhe botuar në revistën Plos, zbuloi se mbipesha e fëmijëve gjithashtu mund të luftohet duke ulur kohën në reklamat televizive kushtuar ushqimeve të pasura me yndyrë, sheqer dhe kripë.
Si u arrit në këtë përfundim?
Duke u nisur nga të dhënat e njohura tashmë, të tilla si koha që fëmijët kalojnë para televizorit dhe rrjedhimisht, sa reklama shikohen mesatarisht çdo ditë, studiuesit arritën në disa përfundime shumë interesante. Nëse reklamimi për ushqime dhe pije të pasura me yndyrë, sheqer dhe kripë do të ndalohej gjatë gjithë ditës (veçanërisht nga ora 5.30 deri në orën 21:00), 3.7 milion fëmijë në Mbretërinë e Bashkuar do të shihnin mesatarisht 1.5 më pak reklama kushtuar këtyre ushqimeve. Kjo zgjedhje do të përfshinte:
një rënie në marrjen mesatare të kalorive prej 9.1 kcal në ditë,
ulje të numrit të fëmijëve të moshës midis 5 dhe 17 me mbipesha me 4.6% dhe asaj të fëmijëve mbipeshë me 3.6%.
Është gjithashtu një avantazh ekonomik, si dhe i shëndetshëm, për arkën e shtetit e cila do të kursente 7.4 miliard paund në vit.
Kufizimet e studimit
Studimi në fjalë, megjithatë, mori parasysh vetëm ndikimin e reklamës televizive dhe jo atë të të gjitha mjeteve të tjera të komunikimit që janë në kontakt me fëmijët (mediat sociale dhe interneti) ose reklamat që vijnë nga eventet sportive, mjetet e transportit, radio etj.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
