Igli Tare ka dalë kundër FSHF-së për ndryshimet në statut, për kandidatët që duan të bëhen presidentë të Federatës, duke thënë se nuk mund t’u mohohet e drejta figurave të shquar.
Për “Sport Time”, Tare ka thënë se ka folur edhe me drejtorët e Tiranës dhe Partizanit, por vetëm për anën formale. “E ndjek kampionatin shqiptar, me aq sa ma lejon koha. Nuk jam i informuar aq shumë. Me Olsi Ramën ndaj një miqësi të përbashkët, me Osmanin kam folur disa herë. Nuk flasim për çfarë ndodh aty, por për anën formale.”
RIVALITETI NË SERINË A – “Është diçka shumë e mirë edhe për kampionatin, pasi edhe disa skuadra janë përforcuar me lojtarët e duhur. Juventus ka pasur problemet e tyre, nuk janë më ajo skuadra e vitit të kaluar, por mbeten pretendentë.
Inter është disi më ndryshe, pasi nuk luan në kupat e Europës. Ne e provuam vetë diçka të tillë dhe e dimë si është. Kishim probleme si skuadër. Shpresoj që të jemi protagonistë këtë sezon. Objektivi ynë maksimal kualifikimi në Champions. Nëse arrihet diçka më e madhe, do ishte qershia mbi tortë.
Kam pasur gjithmonë idenë që afroj lojtarët që janë të mirë, nuk ka rëndësi nëse është serb apo brazilian apo diçka tjetër. Nuk është e lehtë të luash në kampionatin italian. Për momentin jemi të lumtur me këta që kemi.
Kur kam qenë te Kombëtarja ka qenë një gjeneratë shumë e mirë. Mund të them se shumë lojtarë nga ata mund të luanim pa problem në Serinë A.
E kam futbollin shqiptar ndjekur me aq mundësi sa kam pasur. Është një dobësi e atyre që e kanë pasur idenë për këtë vendim. Nuk mund t’ua mohosh të drejtën shumë figurave të futbollit shqiptar, që kanë dhënë shumë. Mendoj e është një zgjedhje dobësie.”
TRAJNERËT SHQIPTARË JASHTË – “Rëndësi ka të jesh një trajner shqiptar, që ka pasur suksese në futbollin europian. Kanë bërë mirë në skuadra me traditë. Mjafton të kujtojmë Besnik Hasin, ka bërë mirë me shumë skuadra. Ervin Skela mund të bëjë mirë, pasi po bën punë të mirë me moshat te Frankfurti.”
KOMBËTARJA – “Unë nuk e shikoj si problem grupin. Të luash kundër Anglisë është e vështirë. Polonia dhe Hungaria gjithashtu. Është grup i luftuar, Shqipëria nëse ia del mund ta arrijë atë vendin e dytë. Çfarë të bëjnë më tepër se kaq sa kemi arritur?!
Ajo humbja me Lituaninë ishte diçka e keqe, por pastaj ia dolën të arrijnë kualifikimin për në grupin b. Kombëtarja është një ekip me lojtarë të rinj, arrijnë të luajnë me Kombëtaren pavarësisht mungesës së minutave. Nuk është e lehtë për t’u ambientuar.
Mbrojtja është shumë e ekuilibruar, në nivel mbi mesatar. Në mesfushë e shikoj pikën më të dobët, mungojnë dy lojtarë, që t’i japin jetëgjatësi këtij reparti. Bare është mirë, Gjasula me eksperiencë. Është një repart që e shikoj me pak vështirësi. Sulmi ka disa lojtarë të rinj plus.”
VAZHDO TË LEXOSH MË TEPËR PËR TEMËN
Presidentët më të pasur në Serie A dhe në botë
