Së fundmi, bëhet me dije për një zbulim të ri dhe shumë të rëndësishëm arkeologjik në nekropolin Saqqara, në jug të Kajros. Arkeologët kanë zbuluar 54 arkivole prej druri dhe shumë prej tyre, pretendohet të datojnë para tre mijë vjetësh, pasi mendohet t’i përkasin periudhës së Mbretërisë së Re.
Tempulli funeral i mbretëreshës Neit, u zbulua gjithashtu pranë piramidës së burrit të saj, mbreti Teti i dinastisë së 6-të të Egjiptit, që daton 4,200 vjet më parë – ka thënë për “Reuters”, arkeologu i njihur Zahi Hawass, i cili kryesoi misionin kërkues arkeologjik.
Sarkofagët përfshijnë të parët, që datojnë nga epoka e Mbretërisë së Re, që gjenden në Saqqara, një lokalitet i trashëgimisë botërore të UNESCO-s, ku gjendet Piramida e Hapit – shpjegojet në deklaratën e Ministrisë së Turizmit dhe Antikiteteve.
Të gdhendura në formën e trupit të njeriut dhe pikturuar me ngjyra të ndritshme, shumë prej tyre janë ende të paprekura.
U gjetën edhe mjete nga lojrat antike, statuja dhe maska.
“Të gjitha këto zbulime, do të rishkruajnë historinë e zonës së Saqqaras dhe Mbretërisë së Re” – ka thënë, Hawass.
Autoritetet i presin me padurim zbulimin e artefakteve të reja, zbuluar rishtas, ndërsa përpiqen të rizgjojnë interesin e vizitorëve, pasi industria e turizmit mori një goditje të rëndë gjatë pandemisë. Numri i turistëve në vend, ra në 3.5 milionë vitin e kaluar, nga 13.1 milionë më 2019.
VAZHDO TË LEXOSH MË TEPËR PËR TEMËN
“Historia e Filozofisë Botërore” – si bota mendon
