Eksperti amerikan i çështjeve politike në Ballkan, Alon Ben Meir, ka komentuar marrëveshjen Kosovë-Izrael për vendosje të marrëdhënieve diplomatike dhe njohje reciproke.
Profesori amerikan thekson se kjo marrëveshje dërgon mesazh të qartë tek pesë vendet anëtare të Bashkimit Evropian, të cilat e kundërshtojnë sovranitetin dhe legjitimitetin e Kosovës.
“Vendosja e marrëdhënieve të plota diplomatike midis Kosovës dhe Izraelit të hënën është shumë domethënëse, pasi Kosova do të jetë vendi i parë me shumicë myslimane që vendos ambasadën e saj në Jeruzalem. Po kështu, njohja e pavarësisë së Kosovës nga Izraeli dërgon një mesazh të qartë për pesë vendet e BE-së që kundërshtojnë sovranitetin e saj se legjitimiteti i saj si një komb i pavarur vetëm po rritet. E ardhmja e Kosovës është me BE-në, dhe pesë vendet në pritje duhet ta kuptojnë këtë më shpejt sesa më vonë”, shprehet ai.
VAZHDO TË LEXOSH MË TEPËR PËR TEMËN
