MENU
klinika

"Çdo lehtësim i masave të izolimit duhet të…"

Merkel: Gjermania në valën e tretë të pandemisë së koronavirusit

23.02.2021 - 19:40

Gjermania është në valën e tretë të pandemisë së koronavirusit, u tha kancelarja gjermane, Angela Merkel, ligjvënësve të partisë së saj konservatore, raporton agjencia e lajmeve Reuters.

“Tani jemi në valën e tretë”, tha Merkel, për të shtuar se çdo lehtësim i masave të izolimit, të ndërmarra në fund të vitit të kaluar, do të duhej të bëhej me kujdes dhe gradualisht.

Mbyllja e të gjitha bizneseve jothelbësore dhe kontrollet kufitare me Austrinë dhe Republikën Çeke – ku ka pasur shpërthime të rasteve me një variant më infektues të koronavirusit – thuhet se e kanë ndihmuar Gjermaninë që të zvogëlojë normën e infeksioneve ditore.

Por, fushata e ngadalshme e vaksinimit dhe rreziku i shpërthimeve të varianteve të reja mund ta bëjnë më të vështirë lehtësimin e masave kufizuese.
“Ne nuk mund të përballojmë ulje dhe ngritje”, tha Merkel, duke sugjeruar se ajo do të donte që kthimi në jetën normale të bëhet me kujdes, për të shmangur rivendosjen e masave të bllokimit.

Ajo shtoi se rritja e kapaciteteve të testimit mund ta bëjë kthimin në normalitet më të qëndrueshëm. Që nga fillimi i pandemisë në pranverën e vitit të kaluar, Gjermania ka regjistuar mbi 2.3 milionë të infektuar me koronavirus dhe mbi 68,000 viktima.

VAZHDO TË LEXOSH MË TEPËR PËR TEMËN


“Ka rrezik real nga mutacionet e virusit”

Merkel u lutet familjeve për durim në kohën e Coronës