Çmimi i naftës bruto ra më shumë se 2% të hënën pas lajmit nga Kanali Suez se ekipet e shpëtimit kanë arritur të lëvizin anijen gjigande të kontejnerëve që ka bllokuar kalimin jetik të tregtisë globale për gati një javë.
Standardi ndërkombëtar Brent ra me 2.1% në 63.19 dollarë për fuçi ndërsa West Texas Intermediate i SHBA ra 2.4% në 59.49 dollarë për fuçi.
Anija e bllokuar ‘Ever Given’ u zhvendos me sukses në 29 Mars dhe po sigurohej, tha një ofrues global i shërbimeve detare, Inchcape Shipping, në Twitter.
Përparimi erdhi pas përpjekjeve intensive që panë 10 rimorkiatorë të punonin për të shtyrë dhe tërhequr anijen ndërsa disa pastrues vakumonin rërën në baticën e pranverës. Është ende e paqartë se kur kanali do të hapet përsëri për trafik tani që anija është zhvendosur, shtoi Inchcape Shipping.
Kontenieri prej 224,000 tonësh ngeci dhe bllokoi rrugën ujore që nga e marta javën e kaluar pasi humbi aftësinë për të drejtuar mes erërave masive dhe një stuhi rëre. Incidenti shkaktoi pezullimin e përkohshëm të lundrimit në Kanalin e Suezit, duke vonuar qindra anije të tjera kontejnerësh, transportues pjesësh të mëdha dhe cisterna të ngarkuara me naftë.
Çmimet e naftës janë lëkundur shumë që nga ajo kohë ndërsa tregtarët dhe investitorët u përpoqën të peshonin ndikimin e bllokimit të pikës së tranzitit tregtar. Sipas një analisti të lartë të tregut në OANDA, Jeffrey Halley, paqëndrueshmëria e tregut të naftës është vendosur të vazhdojë.
“Duke pasur parasysh paqëndrueshmërinë javën e kaluar, Brent duket se do të lëvizë në fundin e poshtëm të 60,00 dollarë në 65,00 dollarë për fuçi”, tha ai siç citohet nga Reuters. Nafta amerikane “ka të ngjarë të bjerë në anën e poshtme të diapazonit të saj prej 57,50 $ në 62,50 $ për fuçi në javë”.
Analistët thonë se çmimet po marrin një mbështetje nga pritjet që Organizata e Vendeve Eksportuese të Naftës (OPEC) dhe aleatët e saj do të mbajnë nivele më të ulëta të prodhimit kur të takohen këtë javë.
“Me pasiguritë e Suez dhe OPEC + mbi një pamje të mjegullt të kërkesës, ne mund të shohim ndryshime të mëdha të humorit dhe paqëndrueshmëri të lartë brenda ditës”, tha për Bloomberg Vandana Hari, themeluese e konsulencës Vanda Insights, duke shtuar, “Unë nuk shoh se si OPEC +, ose Sauditët, mund të rrezikojnë të hedhin më shumë naftë në treg pas presionit në rënie të naftës së papërpunuar gjatë dy javëve të fundit.”
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
Pse një kanal i ndërtuar në 1869 është më i rëndësishëm se kurrë?
Një plan C për të hapur kanalin e Suezit
Pse bllokimi i kanalit të Suezit mund të rrit çmimin e naftës?
