02.03.2021 - 22:54
Sulmuesi i Kombëtares shqiptare, Armando Broja, duket se ia ka marrë dorën mirë ekipit të Venlos. Pasi i shënoi në kampionat fundjavën e kaluar, tashmë i shënon edhe në Kupën e Holandës.
Broja ka shënuar sonte për Vitesse në gjysmënalen e Kupës së Holandës. Sulmuesi kuqezi ka kërcyer bukur me kokë dhe ka zhbllokuar ndeshjen e mbërthyer në 0-0. Një fluturim i shqiptarit që ka gjetur këndin e duhur.
Vitesse më pas shënoi edhe golin e dytë, duke kaluar në finale të këtij kompeticioni. Skuadra e Brojës do të presë në finale fituesin e ciftit Heerenven-Ajax. Ishte goli i 10-të për Brojën këtë sezon në Holandë.
Broja with a quality finish 👏
— DonkeysOut (@CarvalhoJTElite) March 2, 2021
