Pavarësisht se shifrat në Greqi kanë kapur rekorde dhe spitalet po vuajnë prej shtrimeve të pacientëve me COVID-19, qeveria të shtunën do të marrë masa lehtësuese.
Mediat greke raportojnë se ky është hapi i parë i relaksimit të situatës së bllokimit, ndërkohë që sezoni i turizmit po afron.
Pritet që ora policore të shkojë nga 19:00 në 21:00, po ashtu qytetarët do të lejohen të lëvizin mes komunave për të ushtruar aktivitete sportive.
Nga e hëna më pas po shihet mundësia e hapjes së parukerive dhe qendrave estetike. Ndërkohë më 29 mars pritet të hidhet në tryezë rihapja e aktivitetit të shitjes me pakicë.
Në prill më pas, siç ka paralajmëruar dhe kryeministri grek Kyriakos Mitsotakis, pritet të ndërmerren hapat e tjerë lehtësues ndërkohë që Greqia shpreson shumë këtë vit në një çertifikatë vaksinimi, në mënyrë që të presë turistët për sezonin.
VAZHDO TË LEXOSH MË TEPËR PËR TEMËN
Nis marrëveshje me dhjetë shtete për pasaportat e vaksinave
