MENU
klinika

Luçiano Boçi

I shtati në listën e Elbasanit, reagon ish-deputeti

11.03.2021 - 10:31

Ish-deputeti i Partisë Demokratike, Luçiano Boçi ka reaguar për herë të parë për pozicionimin e tij në një vend jo të favorshëm në listën e kandidatëve të qarkut të Elbasanit.

Emri i Luçiano Boçit nuk figuroi në listën paraprake të hartuar nga Partia Demokratike, por në orët e vona emri i tij është rikthyer në garë në një pozicion jo fitues.

“Vazhdojmë së bashku rrugëtimin për të përmbushur misionin tonë, në luftë me të keqen, të ligën e të shëmtuarën e pushtetit të korruptuar e bandit rilindas, dje me protesta madhështore, sot me votë qytetare.

Jam i 7-ti i listës! Po ç’rëndësi ka?! Besimi tek njerëzit nuk matet me numra, matet me shpirt e përkushtim! Shqipëria duhet të fitojë!”, thekson Boçi.

Statusi i plotë

Shumë amulli mediatike. Shumë shqetësime dashamirëse të miqve, mbeshtetësve e anëtarëve të Partisë Demokratike.

Është e qartë dhe e thjeshtë. Jam pjesë e listave të Partisë Demokratike në qarkun Elbasan. Jam pjesë e betejës më themelore për fatet e demokracisë dhe fatet e vendit. Nder e privilegj!

Falenderues për të gjithë! Vazhdojmë së bashku rrugëtimin për të përmbushur misionin tonë, në luftë me të keqen, të ligën e të shëmtuarën e pushtetit të korruptuar e bandit rilindas, dje me protesta madhështore, sot me votë qytetare. Jam i 7-ti i listës! Po ç’rëndësi ka?! Besimi tek njerëzit nuk matet me numra, matet me shpirt e përkushtim!

Shqipëria duhet të fitojë! Me ne! SHQIPËRIA FITON!

Partia Demokratike fiton!

VAZHDO TË LEXOSH MË TEPËR PËR TEMËN