Pas 9 vitesh fitues të titullit në Serie A, tashmë po shihet se dominimi i Juves po bie. Ekipi kampion nuk po kalon një sezon të mirë dhe pozicioni në renditjen e Serie A e konfirmon më së miri këtë gjë, gjithashtu edhe humbja në ndeshjen e parë të 1/8-ave të Champions.
Problemi kryesor i këtij Juventus duket se është varësia ndaj Cristiano Ronaldos, pasi në rast se nuk shënon portugezi, pjesa tjetër e ekipit duket se është në gjumë. Këtë gjë e thonë edhe shifrat, me bardhezinjtë që janë ekipi më i varur nga një lojtar në top 5 ligat e Europës.
Cristiano Ronaldo ka shënuar 42.2% të golave të Juventusit, thuajse gjysmën e golave të shënuar nga ekipi bardhezi. Në vend të dytë, si lojtar me peshë qëndron Lewandowski, që ka shënuar 41.7% të golave të realizuar te Bayern Munchen. Sidoqoftë, bavarezët ndryshe nga Juventus shënojnë pak më shumë dhe sezoni i tyre po shkon shumë më mirë nga ai i italianëve.
VAZHDO TË LEXOSH MË TEPËR PËR TEMËN
Jo thjesht fjalë, Hysaj drejt PSG-së
