Laçi i kishte të gjitha mundësitë që sot, të paktën provizorisht, të merrte kreun e renditjes, por në sfidën në shtëpi ndaj Apolonisë nuk ka shkuar më shumë se një barazim 1-1. Kurbinasit lënë dy pikë me shumë vlerë, ndërsa për fierakët është 1 pikë mbijetese.
Kur thuajse kishte nisur festa e kapjes së vendit të parë të Superiores, vjen ndëshkimi i madh. Diop barazon rezultatin në minutën e 89-të, pas një dalje amatoreske të portierit Sherri, dhe iu ngrin buzëqeshjen vendësve.
Të paktën derisa të mbarojë superfisda përmbyllëse e javës së 23-të të Superiores, Vllaznia-Kukësi, e cila starton në orën 16:00, në “Loro Boriçi”, kreu është me tri koka: Vllaznia, Teuta dhe Laçi, 41 pikë.
Kurbinasit kanë krijuar shumë, por kanë vuajtur në finalizim. Duhej të hidhej në fushë Mazrekaj, me llimin e pjesës së dytë, që prej këmbëve të tij të dilte një asist, i shndërruar në gol nga Shehu në minutën e 47-të. Fierakët kanë bërë qëndresë të admirueshme, sidomos me portierin e tyre, derisa ia dolën të merrnin një barazim “in extremis” në këtë transfertë të vështirë.