Nuk ka shkëlqyer te Roma, por as nuk është një sezon zhgënjyes. Por Marash Kumbulla mbetet një nga lojtarët e rinj më premtues në panoramën ndërkombëtare dhe këtë e vlerëson CIES, observatori i futbollit.
Në studimin e fundit, ky institut ka rreshtuar lojtarët e rinj premtues në kampionate të ndryshme dhe ka bërë një renditje ku vlerëson eksperiencën që kanë marrë në klubet ku luajnë dhe në nivelet ku janë paraqitur.
Lista në fjalë e datëlindjes 2000 përfshin edhe Marash Kumbullën në vendin e 25 të saj, duke vlerësuar atë që ka bërë që nga 1 janari i vitit 2020, kur ka filluar përllogaritja e ndeshjeve të luajtur apër të gjithë.
Padyshim një vlerësim i madh për lojtarin, pasi në këtë listë gjenden emra si Sancho, Davis, Haaland, Vinicius, Foden, Kulusevski, Dest, Tonali apo Kean për të përmendur disa prej tyre.