Vladimir Cvijan përshkruhet si jurist i zgjuar serb. Ai i shërbeu presidentit Boris Tadiq si këshilltar juridik. Acaroi raportet me të dhe kaloi në kampin tjetër: u bë këshilltar i presidentit Tomisllav Nikoliq.
Pastaj u anëtarësua në partinë SNS të Aleksandar Vuçiqit, u bë anëtar i kryesisë së SNS-së dhe deputet në parlamentin serb, të dy u lavdëruan se kanë qejf të luajnë shah.
Përnjëherë Cvijan u shndërrua në kritik të Vuçiqit, i doli kundërkandidat për postin e shefit të partisë dhe kandidoi për kryetar të Serbisë.
Më 2014 Cvijan braktisi SNS-në. Më 5 janar 2018 Cvijan vdiq. Por për këtë vdekje nuk u njoftua opinioni. E pabesueshme, por e vërtetë: autoritetet serbe TEK TANI e kanë konfirmuar vdekjen e tij. Me tri vjet vonesë.
Po thuhet se Cvijan është fundosur në Danub. Lënda është arkivuar, thotë drejtësia serbe.
