Një aksident i rëndë ka ndodhur sot në orët e para të mëngjesit në fshatin Raçë të Gjakovës, ku kanë mbetur të vdekur tre persona.
Policia ka njoftuar se ngjarja ka ndodhur rreth orës 08:00 të mëngjesit të së shtunës.
“Ju njoftojmë se sot rreth orës 07:40 policia është njoftuar për një aksident në fshatin Raçë. Patrullat policore kanë dal në vendin e ngjarjes ku kanë vërejtur se brenda veturës e cila kishte dal jashtë rrugës kanë qenë tre persona.
Në vendin e ngjarjes kanë dal ambulanca, zjarrfikësit, njësia e trafikut si dhe prokurori kujdestar. Nga ana e personelit mjekësorë në vendin e ngjarjes është konstatuar se personat qe gjendeshin brenda veturës ishin pa shenja jete”, thuhet në njoftimin e Policisë së Kosovës.
Ndërkaq, sipas medias kosovare ‘Syri-vizion” të aksidentuarit dyshohet se janë shtetas të Shqipërisë.