MENU
klinika

Ky postim ka bërë lëmsh rrjetin

Ariana Grande me The Weeknd?!

20.04.2021 - 09:20

Vetëm 2 muaj pas performancës shpërthyese në “Super Bowl”, The Weeknd i ka bërë të gjithë të flasin sërish për të për shkak të një postimi në Instagram.

Këngëtari ka publikuar në këtë rrjet social një video të shkurtër, në të cilën dëgjohet duke kënduar Ariana Grande. Në fakt ajo nuk këndon një këngë të panjohur, por “Save your tears” të The Weeknd.

Këngëtari nuk ka dhënë asnjë lloj shpjegimi, por vetëm ka etiketuar në postim Ariana Grande-n. Kjo e fundit po ashtu ka publikuar të njëjtën gjë në adresën e saj. Pas këtyre postimeve, fansat e dy artistëve kanë nisur të dyshojnë se ata kanë bashkuar forcat për një remix të këngës “Save your tears”.

Në fakt është e lehtë të kuptohet se përse fansat e Ariana-s dhe The Weeknd janë kaq të entuziamuar për këtë lajm. Në vitin 2014-të këngëtarët publikuan bashkëpunimin e tyre të parë “Love me harder”, për albumin “My everything” të Grande-s. Kjo këngë arriti një sukses të jashtëzakonshëm duke thyer rekorde shikueshmërie për një kohë të gjatë.

The Weeknd gjithashtu ka shkruar disa këngë në bashkëpunim me Ariana-n dhe të dy sollën një tjetër duet për albumin “Positions” të artistes. Edhe ky bashkëpunim u prit shumë mirë nga fansat e të dyve dhe madje rezultoi si një nga këngët e preferuara të publikut nga albumi i Ariana Grande-s.