Komisioneri Shtetëror i Zgjedhjeve Ilirjan Celibashi bëri me dije sot se 83 mijë fletë votimi të zgjedhjeve të 25 prillit janë shpallur të pavlefshme.
Ai pranoi se nëse do të kishim një fletë votimi ku kandidatët të paraqiteshin me emra mund të kishim një situatë tjetër, por duke shtuar se mbetet një interpretim subjektiv.
Celibashi deklaroi se nuk ka kontestime dhe pretendime nga palët, që kanë kërkuar informacion për pamjet dhe pajisjen e identifikimit elektronik, ndërsa i ftoi subjektet politike që para se fletët të digjen ti shohin për të kuptuar arsyet përse janë shpallur të pavlefshme.
“Me fletët varet si është organizuar informacioni. Një gjë mund ta them me siguri, jo vetëm për kohën që patëm në dispozicion, KQZ arriti të bënte një fushatë informimi si asnjëherë tjetër. Tani nuk dua të bëj profetin megjithëse jemi post-factum, por nëse fleta e votimit do ishte me emra, ndoshta do ishte ndryshe. Por vendimmarrja e CAS-it dhe Kolegjit vlerësoi që informacioni mund të ishte më i thjeshtë për votuesit. Kemi 83 mijë fletë votimi të pavlefshme. Ngelet një analizë për të vlerësuar se sa ndikoi fleta e votimit. Pasi të shpallen rezultatet, në momentin që materiali do të asgjësohet do të ishte e dobishme edhe për partitë politike dhe subjektet. Para se KQZ t’i djeg’ ndoshta është mirë që të shohim ato fletë votimi që janë vlerësuar të pavlefshme, për çfarë arsye është”, tha Celibashi.
Kreu i KQZ duke komentuar votimin elektronik në Njësinë Nr. 10 u shpreh: “Në procesin e votimit elektronik mundësia që një fletë votimi të jetë e pavlefshme është zero. Por ne vendosëm edhe një opsion për votuesit që nuk dëshironte të zgjidhte asnjë subjekt. Të gjitha fletët e pavlefshme janë sepse ata votues nuk kanë dashur të zgjedhin asnjë subjekt”.
VAZHDO TË LEXOSH MË TEPËR PËR TEMËN
“Mbështesim fuqishëm përpjekjet e KQZ-së për zgjedhje të drejta”
Çfarë do të bëjë KQZ nëse Tom Doshi kandidon për deputet?
