MENU
klinika

Detaje/ policia u informua 2 javë më parë për nisjen e ngarkesës...

Kontejneri me kokainë në portin e Durrësit

11.04.2021 - 09:35

Detaje të reja zbulohen nga operacioni i drogës në portin e Durrës ku u sekuestruan 143 kg kokainë. Policia kishte marrë informacion rreth 2 javë më parë për nisjen e ngarkesës nga Guayaquil dhe kishte shtuar kontrollin në port për të gjitha ngarkesat nga Amerika Latine.

Nga Ekuadori kontejneri kaloi tranzit në Itali në portin Gioia Tauro por nuk u kontrollua. Në dokumentacionin shoqërues kontejneri i ngarkuar me banane kishte destinacion Tiranën.

Me të mbërritur në portin e Durrësit ai iu nënshtrua kontrollit me skaner i cili dha sinjal të kuq. Për ta kaluar në vijën e dytë të kontrollit policia thirri një prej administratorëve të kompanisë “Masabi Fruits” Klajdi Xibrakun. Në prani të tij u sharrua pjesa metalike e tavanit ku u konstatuan pakot me lëndë narkotike.
Klajdi Xibraku u arrestua nga ana e policisë dhe pak orë më vonë u arrestua edhe administrator tjetër Erjon Peti.

Të dy të arrestuarit të cilët janë edhe kushërinj me njëri-tjetrin mohojnë të kenë lidhje me trafikun e drogës. Ata thonë se operojnë në fushën e importit të frutave prej 5 vitesh dhe çdo javë presin kontejnerë nga Amerika Latine, por nuk janë përfshirë kurrë në trafik droge.

Policia dyshon se ngarkesa prej 143 kg drogë ka ardhur në Shqipëri për llogari të 3 grupeve të ndryshme kriminale. Policia ka sekuestruar telefonat celular të dy të arrestuarve si edhe gjithë dokumentacionin e kompanisë.

VAZHDO TË LEXOSH MË TEPËR PËR TEMËN



5.300 metra katrorë në Karpen të Kavajës

Xhamia dhe Kadastra përplasen në gjykatë

Mbeti i vrarë në atentatin ndaj prokurorit

Familja e Andi Malokut kërkon dëmshpërblim pasuror

Ministri Peleshi zbulon arsyet

“Defender 21”/ Pse u zgjodh Shqipëria?

Nga mesazhet politike, te zbarkimi i trupave!

Pse kjo është lëvizja më e rëndësishme ushtarake?

Bën bashkë Ramën dhe Metën

Nis në Durrës “Defender Europe 2021”