12.04.2021 - 19:45
Ministrja e Shëndetësisë Ogerta Manastirliu, inspektoi sot nga afër procesin e vaksinimit masiv në Elbasan.
Përmes një postimi në Facebook, Manastirliu bën me dije se brenda majit do të kryhen gjysëm milionë vaksina.
“Me Kryeministrin Edi Rama në #Elbasan, ku vijon vaksinimi masiv, për të mbrojtur një orë e më parë jetën dhe shëndetin e qytetarëve. Asgjë nuk do të na ndalë në realizimin e planit tonë, për të kryer gjysmë milion vaksina brenda majit”, shkruan Manastirliu.
Prej disa ditësh vijon procesi i vaksinimit masiv, i cili është shtrirë në disa qytete të Shqipërisë.
