MENU
klinika

Manastirliu: Presim edhe 200 mijë të tjera!

Mbërrijnë edhe 50 mijë doza “AstraZeneca”

18.04.2021 - 19:13

Sot kanë mbërritur edhe 50 mijë doza të tjera të vaksinës “Astra Zeneca”. Ministrja e Shëndetësisë, Ogerta Manastirliu nga aeroporti i Rinasit bëri të ditur se priten të vijnë edhe 200 mijë doza të tjera.

Po ashtu, ministrja njoftoi se nga java që vjen do të nisë vaksinimi për punonjësit e transportit publik.

“Javën që vjen, duke filluar nga nesër presim bi 200 mijë doza vaksina dhe do të vijojmë me vaksinimin masiv. Po vijojmë me operatorët turistik dhe do të shtrihemi edhe në tragetin e transportit publik, duke filluar javën që vjen me punonjësit e transportit ajror. Jemi në një situatë që konsiderohet me një incidentë të ulët. Situata në spitale paraqitet e qëndrueshme”, tha Manastirliu.