Dhe pse mishi është një pjesë e rëndësishme e dietës suaj, ngrënia e tepërt e tij mund të jetë e dëmshme për shëndetin. Kjo nuk do të thotë që ju duhet të hiqni dorë nga biftekët e shijshëm, por është mirë të informoheni se çfarë mund të bëjë një konsum i tepërt i mishit në trupin tuaj.
Për të jetuar sa më gjatë, duhet të jemi në harmoni me trupin tonë. Për të rritur mirëfunksionin rëndësi kyçe ka vitamina D. Avokado, baktere, zorrë, sëmundje. Në shikim të parë, lidhja është delikate.
Por në fakt, është një formulë shumë e rëndësishme shëndetësore. Shkencëtarët ishin në gjendje të matnin efektin e ngrënies së avokados çdo ditë në zorrët tona dhe rezultatet mund t’ju bëjnë të ndryshoni dietën tuaj.
Njihuni me disa rreziqe që mund të hasni nëse kënaqeni me shumë proteina:
Mund të krijoni gurë në veshka.
Proteinat me bazë shtazore kanë shumë përbërje të quajtura purina. Këto ndahen në acid urik, dhe nëse keni shumë nga ky acid, mund të krijoni gurë në veshka. Ju mund ta shmangni këtë duke kufizuar konsumin e mishit, dhe gjithashtu duke pirë shumë ujë.
Ju mund të dehidroheni.
Për shkak të një tepricë të atij acidi urik për të cilin folëm më lart, ju mund të ndjeheni më të etur se zakonisht. Veshkat tuaja kanë nevojë për ujë për të holluar çdo mbetje toksike, prandaj sigurohuni që të keni ujë me vete në çdo kohë, kudo që të jeni.
Ju mund të bëheni kaps.
Ushqimi me bazë mishi ka shumë proteina, por jo shumë fibra. Ju normalisht do t’i merrni këto fibra nga perimet ose drithërat, prandaj sigurohuni që të përfshini të gjitha këto kategori ushqimesh në dietën tuaj. Kapsllëku dhe lëvizjet e dhimbshme të zorrëve mund të jenë disa nga shenjat e para që marrja e fibrave tuaja është shumë e ulët.
Ju mund të bëheni me dhimbje koke.
Mungesa e hidratimit gjithashtu mund të shkaktojë dhimbje koke. Ajo bën që gjaku të jetë më i trashë, që do të thotë që një rrjedhje e reduktuar e oksigjenit arrin në tru. Nga ana tjetër, disa produkte me bazë mishi si sallami përmbajnë nitrate, të cilat mund të rrisin rrjedhjen e gjakut në tru.
Mund të keni probleme me zemrën.
Sa më shumë fibra të keni në dietën tuaj, aq më e mbrojtur është zemra juaj. Nëse hani kryesisht mish, atëherë nuk keni një nivel të lartë të fibrave. Mishi i kuq, veçanërisht, mund të dëmtojë zemrën tuaj. Mund të trefishojë rreziqet tuaja të problemeve të lidhura me zemrën dhe përmban shumë yndyrna të ngopura. Yndyrnat e ngopura rrisin nivelin e kolesterolit të keq.
Ju mund të ndiheni më të lodhur.
Ushqimet që përmbajnë mish janë shumë më të vështirë për tu tretur nga sistemi ynë i tretjes sesa çdo perim ose frut që hani. Kjo është arsyeja pse duhet shumë më shumë përpjekje që trupi juaj të tretë një biftek dhe kjo është arsyeja pse ju mund të ndiheni pak të plogësht pasi të keni ngrënë diçka të rëndë.
Ju mund të sëmureni më shpesh.
Yndyrnat e ngopura të pranishme në mishin e kuq dhe mishin e përpunuar nuk përmbajnë antioksidantë të nevojshëm që trupi të mundë çdo inflamacion të mundshëm. Më së shumti do t’i gjeni ato antioksidantë në perime, prandaj është kaq e rëndësishme të keni një dietë “shumëngjyrëshe”.
Mund të keni erë të keqe të gojës.
Një dietë e përbërë nga proteina dhe yndyrë shumë të lartë, por që nuk ka karbohidrate, mund të bëjë që trupi të prodhojë ketone. Ketonet çlirohen përmes frymëmarrjes dhe ato mbajnë erë të keqe.
