Organizatorët e turneut Masters të Montecarlo, që sapo ka nisur, bënë me dije se tenisti rus Daniil Medvedev, numri 2 në botë për meshkuj, ka rezultuar pozitiv me koronavirus.
Tenisti është futur menjëherë në izolim në hotelin ku ishte akomoduar, por frika ka pushtuar organizatorët dhe personat që ishin në kontakt me rusin. Për të evituar çdo të papritur, janë kryer disa dhjetëra teste të shpejta të personave që kanë qenë afër Medvedev.
Rusi është nën monitorimin e stafit mjekësor të ATP-së. Tenisti duhej të luante të enjten në raundin e dytë, por tashmë i duhet të qëndrojë në karantinë edhe pse nuk ka simptoma.
ATP #2 Daniil Medvedev tests positive for COVID, knocking him out of the Monte Carlo Masters.
This is the highest-profile player tennis has had test positive mid-event, and will hurt his efforts to close the gap on the #1 ranking. pic.twitter.com/bcNAi8EzVs
— Ben Rothenberg (@BenRothenberg) April 13, 2021
Mungesa e tij do t’i kushtojë jo pak, pasi Medvedev synonte triumfin në këtë turne dhe të arrinte në renditje Djokovic, ndërsa tani rrezikon edhe vendin e dytë, pasi Rafael Nadal është pranë tij.
Turneu i Montecarlos është Masters i parë që zhvillohet në Europë, në fushat me dhè. “Më vjen keq që nuk mund të luaj në këtë turne. Shpresoj të rikuperoj sa më shpejt, për të vijuar sezonin tim”, – shkroi Medevev në twitter.