MENU
klinika

Planifikon dëbimin e 10 diplomatëve amerikanë

Rusia iu kundërpërgjigjet sanksioneve të SHBA-së

17.04.2021 - 08:11

Moska thotë se do të vendosë gjithashtu tetë zyrtarë amerikanë në një listë sanksionesh dhe do të kufizojë veprimtarinë e OJQ-ve amerikane në Rusi.

Ministri i Jashtëm rus Sergey Lavrov gjithashtu tha se ambasadori amerikan John Sullivan duhet të ndjekë shembullin e homologut të tij rus dhe të drejtohet për në shtëpi për konsultime.

Rusia i është përgjigjur në natyrë një breshëri sanksionesh të reja nga Shtetet e Bashkuara, duke thënë se do të dëbonte 10 diplomatë amerikanë dhe do të merrte lëvizje të tjera hakmarrëse në një përballje të tensionuar me Uashingtonin.

Ministri i Jashtëm rus Sergey Lavrov të premten gjithashtu tha se Moska do të shtojë tetë zyrtarë të administratës amerikane në listën e saj të sanksioneve dhe do të veprojë për të kufizuar dhe ndaluar aktivitetet e organizatave jo-qeveritare amerikane nga ndërhyrja në politikën e Rusisë.

Të enjten, SH.B.A. kishte njoftuar sanksione të reja dhe dëbimin e 10 diplomatëve rusë si hakmarrje për atë që Uashingtoni thotë se është ndërhyrja nga Kremlini në zgjedhjet e SHBA, një sulm masiv kibernetik dhe një veprimtari të tjera armiqësore.

“Ne do t’i përgjigjemi kësaj mase në një mënyrë të barabartë. Ne do t’u kërkojmë 10 diplomatëve amerikanë në Rusi të largohen nga vendi,” u tha Lavrov gazetarëve.
Ai tha se Kremlini sugjeroi që ambasadori amerikan John Sullivan të ndiqte shembullin e homologut të tij rus dhe të shkonte në shtëpi për konsultime.

Rusia gjithashtu do të lëvizë për t’i mohuar ambasadës së SHBA mundësinë e punësimit të personelit nga Rusia dhe vendet e treta si mbështetës.
“Kjo për shkak se Rusia thotë, në misionet e tyre në SH.B.A., ata punësojnë vetëm” tha Bernard Smith i Al Jazeera, duke folur nga Moska.

“Për SH.B.A., kjo mund të prekë të gjithë, nga shoferët dhe pastruesit te analistët dhe individë të tjerë që mund të punojnë në misionet diplomatike të SH.B.A.-së në Rusi. Kështu që potencialisht mund ta bëjë të vështirë jetën për amerikanët këtu”.
Smith gjithashtu tha që Lavrov kërcënoi të shkonte “pak më tej” nëse SH.B.A. përshkallëzojnë sanksionet e veta, duke kërkuar që SH.B.A. të heqë 150 persona personel rus që punon në Kombet e Bashkuara.

Tetë zyrtarët e lartë të tanishëm dhe ish-zyrtarë të SHBA të ndaluar për atë që Moska e quajti “kurs anti-rus” të Uashingtonit përfshinin Drejtorin e FBI Christopher Uray, Drejtorin e Inteligjencës Kombëtare Avril Haines, Prokurorin e Përgjithshëm të SHBA Merrick Garland dhe Sekretarin e Sigurisë së Brendshme Alejandro Mayorkas.

Të tjerët që përballen me një ndalim të hyrjes ishin Drejtori i Byrosë Federale të Burgjeve Michael Carvajal, Drejtori i Këshillit të Politikës së Brendshme Susan Rice, John Bolton, ish Këshilltari i Sigurisë Kombëtare i SH.B.A. dhe ish-kreu i CIA-s Robert James Uoolsey.
Përkthyer dhe përshtatur nga Al Jazeera/ F.H Konica.al

VAZHDO TË LEXOSH MË TEPËR PËR TEMËN