Eksodi i shqiptarëve të Kosovës gjatë viteve 1998-1999, është një nga ngjarjet më të rënda në historinë e popullit shqiptar. Ai ishte rrjedhojë e zbatimit të projektit shovinist serb me emërtimin “PATKOI”.
Me këtë projekt, shteti serb synonte të kryente “pastrimin etnik” të popullsisë etnike shqiptare të Kosovës. Deri në mars të vitit 1999, mendohet se vetëm nga Rrafshi i Dukagjinit u zhvendosën rreth 90 mijë shqiptarë.
Në periudhën mars-qershor 1999, numri i përgjithshëm i shqiptarëve të shpërngulur me dhunë arriti në afro 1 milion vetë. Pjesa më e madhe e shqiptarëve kaluan në Qafën e Morinit dhe në Qafën e Prushit.
Dëbimi i shqiptarëve të Kosovës i vitit 1999, përbën një nga eksodet më të rënda në historinë e Evropës që nga Lufta e Dytë Botërore. Me mikpritjen ndaj vëllezërve shqiptarë nga Kosova, populli shqiptar në përgjithësi dhe në mënyrë të veçantë, banorët e rretheve të Kukësit, Hasit dhe Tropojës treguan edhe njëherë bujarinë dhe solidaritetin që i karakterizon. Ata dëshmuan para opinionit ndërkombëtar se shqiptarët janë një komb, pavarësisht kufijve politikë.
Kombi shqiptar do t’i mbetet mirënjohës SHBA-së, për kontributin që dha për çështjen e Kosovës. Presidenti i SHBA-së i asaj kohe, Bill Klinton, përmes një mesazhi historik drejtuar popullit shqiptar të Kosovës, në ditët e tyre më të vështira, u shpreh: “Ju do të ktheheni në shtëpitë tuaja. Do të keni shkollat tuaja dhe do të ushtroni fenë tuaj. Ju do të zgjidhni udhëheqësit që dëshironi dhe do të vendosni vetë të ardhmen tuaj. Ju nuk do t’i paguani taksa Jugosllavisë. Nuk do t’i çoni djemtë ushtarë për Jugosllavinë. Do të keni si monedhë tuajën, markën ose dollarin”
Po nëse kthehemi më herët në histori, çfarë la pas gjenocidi serb në 1920-ën?
Fotografitë e vitit 1920: mijëra fëmijë shqiptarë mbetën jetimë në shtetin e ri të Malit të Zi, prindrit janë vrarë ose kanë vdekur nga uria.
Viktima të telasheve të fundit në Ballkan. Fotografitë tregojnë një grup tipik të mijëra viktimave shqiptare të luftës që u bë nga Mal të Zi, gjatë përleshjeve të fundit në Ballkan.
Oficeri amerikan është Lieut. Koloneli H.J. Fairclough, drejtues i Komisionit të Kryqit të Kuq Amerikan në Malin e Zi dhe ish-profesor në universitetin “Leland Stanford” në Kaliforni.
VAZHDO TË LEXOSH MË TEPËR PËR TEMËN
“Do të padisim Serbinë për gjenocid, më pas fillojmë…”
“Kaluan 40 vite dhe ‘njeriu jugosllav’ nuk doli nga prodhimi”
“Dua që Shqipëria ta shohë Serbinë me sytë e Kosovës”
