MENU
klinika

“Duhet t’ju japim perspektivën për të hyrë në BE”

Ministrja austriake: Nëse nuk e përshpejtojmë procesin, të gjithë humbasim!

06.05.2021 - 09:18

Ministrja austriake për BE dhe Kushtetutën, Karoline Edstadler bëri të qartë se Shqipëria duhet të jetë pjesë e Bashkimit Evropian. Në një konferencë të përbashkët me ministrin e Jashtme, Olta Xhaçka ajo u shpreh se nëse procesi nuk përshpejtohet të gjithë do të humbasim.

Sipas ministres austriake, Shqipëria ka bërë hapa para sa i takon shtetit të së drejtës, ndërsa theksoi se ajo është një nga avokatet kryesore për mbajtjen e konferencës së parë ndërqeveritare.

“Ne duhet t’ju japim ju perspektive për të hyrë në Bashkimin Evropian në kuadër të besueshmërisë së BE. Nëse nuk e përshpejtojmë këtë proces, të gjithë humbasim. Kjo është arsyeja pse po avokatojmë për mbajtjen e konferencës ndërqeveritare për Shqipërinë dhe Maqedoninë e Veriut.

Ju po bëni shumë për ti treguar BE se doni që të shihni hapa të mëtejshëm. Ju jeni angazhuar në shtetin e së drejtës dhe Austria po mbështet 5 projekte në këtë drejtim.

Shteti i së drejtës, demokracia dhe të drejtat e njeriut janë vlerat e unionit tonë. Për aq kohë sa vendet e Ballkanit Perëndimor nuk janë pjesë e BE ky projekt nuk është e plotë. Duhet të plotësojmë hendeqet. Ju jeni të rrethuar nga anëtarë të BE.

Nga dita e parë kam avokatura për nisjen e kësaj konference dhe kjo ka qenë para mbërritjes së pandemisë. Kam thënë që duhet të përfshijmë vendet e Ballkanit, sepse flasim për të ardhmen e BE”, tha ministrja Edstadler.

VAZHDO TË LEXOSH MË TEPËR PËR TEMËN


Zaev: Shpresoj të gjejmë zgjidhje

Ndarje e Shqipërisë nga M. e Veriut për integrimin?


Hapja e negociatave të Maqedonisë së Veriut dhe Shqipërisë

Bullgaria nuk tërhiqet: Nuk biem pre e presionit të ndërkombëtarëve

Ja vendimi që u miratua nga Këshilli i Ministrave

Garda e Republikës merr në ruajtje ambasadorin e BE

Paratë do të përdoren për të blerë armatime nga Turqia dhe…

Qeveria shton 92 milionë euro borxhe për shqiptarët

Veliaj u heq licencën operatorëve që nuk respektonin standardet

Së shpejti rikthehen abonetë e përgjithshme