Eksperti i Shëndetit Publik Erion Dasho e ka konsideruar domosdoshmëri testimin e çdo shtetasi që hyn në territorin shqiptar për të parandaluar depërtimin e varianteve të reja të COVID-19.
Përmes një statusi në rrjetet sociale, doktori ngre shqetësimin se hyrja në vend e mutacioneve të rrezikshme mund ta rikthejë sërish epideminë në një kërcënim.
“Duke u përpjekur të provojnë teorinë e tyre të dështuar mbi “rritjen e kurbës” në mes të majit, të paaftët e Komitetit dhe Ministrisë po bëjnë çdo përpjekje, madje edhe po rritin numrin e testeve deri në pikën ku përqindja e pozitivitetit midis të testuarve për herë të parë shkoi 2%!
Nëse do të kishin sadopak profesionalizëm dhe humanizëm, kjo përqindje duhej të ishte synuar në periudhën nëntor-mars, atëherë kur pozitiviteti i afrohej 40%-it dhe nevoja ishte për 10 deri 20 mijë teste në ditë, nga 3-4 mijë që arriti maksimumi. Shqipëria po arrin imunitetin e grupit. Ju, “teoricienët” dhe “kompetentët” që nuk njihni as teorinë dhe as praktikën e shëndetit publik, bëni mirë të fokusoheni te parandalimi i hyrjes në vend të mutacioneve të rrezikshme, të cilët mund ta rikthejnë sërish epideminë në një kërcënim. Testimi i çdo personi para se të hyjë në Shqipëri është domosdoshmëri”, ka vënë në dukje Dasho.
VAZHDO TË LEXOSH MË TEPËR PËR TEMËN
“Rekomandim urgjent, këta persona duhet të evitojnë me çdo kusht…”
COVID-19/ Trefishohen shtrimet, shëndetësia para kolapsit
Dalja nga izolimi, lehtësohen kriteret për pacientët e infektuar, ja vendimi i fundit i OBSH
