Rita Ora ka qenë në qendër të vëmendjes kohët e fundit pasi po përflitet se ka nisur një lidhje të re dashurie me kineastin Taika Waititi. Këngëtarja me origjinë shqiptare dhe regjisori nga Zelanda e Re u panë së bashku të premten në mbrëmje në premierën e “RuPaul’s Drag Race Don Under” në Sidnei.
Daily Mail ka publikuar një video ku shihen pranë njëri-tjetrit, pasi shmangën të fotografoheshin së bashku në tapetin e kuq. Ndërsa prisnin për fillimin e eventit, Rita dhe regjisori shiheshin shumë të afërt me njëri-tjetrin.
Kjo është hera e parë që janë fotografur së bashku pas thashethemeve se kanë nisur një romancë. Një tjetër detaj që i ka hedhur më shumë benzinë zjarrit është se disa fansa janë shprehur se e kishin parë çiftin e përfolur duke u puthur brenda një restoranti.
Rita po qëndron në Australi pasi është pjesë e jurisë së “The Voice Australia”. Kujtojmë që romanca e re vjen vetëm disa muajsh pas ndarjes me Romain Gavra në nëntor, të cilën e konfirmuan vetëm para Krishtlindjeve.
VAZHDO TË LEXOSH MË TEPËR PËR TEMËN
