Një nga aspektet më të zymta të konfliktit që është shpalosur ditët e fundit është familjariteti i tij i dukshëm, veçanërisht për ata që jetojnë përmes tij.
Edhe më të rinjtë janë përballur me këtë dhunë shumë herë më parë: Këshilli Norvegjez për Refugjatët raportoi se 11 nga fëmijët e vrarë nga sulmet ajrore izraelite në Gaza gjatë javës së kaluar po merrnin pjesë në programin e tij psikosocial për t’i ndihmuar ata me traumat.
Në përgjithësi, 228 palestinezë në Rripin e Gazës kanë vdekur, të paktën 63 prej tyre fëmijë, ndërsa 12 njerëz në Izrael, përfshirë dy fëmijë, u vranë nga raketa të hedhura nga grupet militante palestineze.
Të dyja palët shpërfillin jetën e civilëve.
Por janë me të madhe fëmijët palestinezë që kanë vdekur, kanë humbur prindërit ose vëllezërit e motrat dhe shtëpitë e tyre, shkollat dhe shërbimet shëndetësore janë goditur.
Të enjten vonë, Izraeli njoftoi një armëpushim pas 11 ditësh dhune, me Hamasin që konfirmoi se armëpushimi do të fillonte brenda natës.
Ishte bërë e qartë se të dy palët po kërkonin një rrugëdalje dhe Joe Biden kishte ashpëruar tonet një ditë më parë, duke i thënë kryeministrit të Izraelit, Benjamin Netanyahu, në një telefonatë se ai “priste një de-përshkallëzim të rëndësishëm në rrugën për në një armëpushim ”.
Edhe kjo është e njohur: SHBA duke filluar duke folur vetëm për të drejtën e Izraelit për të mbrojtur veten, dhe duke bllokuar përpjekjet për të ushtruar presion në KB, por duke folur më ashpër pasi një rezolutë dukej më e besueshme.
Administrata thuhet se beson se është më mirë të lobosh privatisht sesa të thuash në publik.
Qasja pasqyron stilin e biznesit të presidentit dhe përvojën e administratës së Obamës, për të cilën Netanyahu tregoi një përbuzje.
Por entuziazmi i papërmbajtur i Donald Trump për Netanyahu dhe dhuratat e tij, dobësuan palestinezët dhe trimëruan kryeministrin izraelit.
Por diçka ka ndryshuar: partia e tij dhe pjesë të publikut po zhvendosen. Një fluks i demokratëve progresivë në Kongres, dhe energjia e lëvizjes Black Lives Matter, kanë sjellë mbështetje të përtërirë për çështjen Palestineze.
Shumë në komunitetin hebre amerikan, veçanërisht në brezat e rinj, janë gjithnjë e më kritikë ndaj Izraelit.
Këtë herë, konflikti duket se ka tërhequr vëmendjen e publikut.
Biden ka shumë për ta preokupuar atë në vend dhe ndërkombëtarisht.
Në thelb, ai dëshiron që e gjithë kjo të zhduket.
Por kjo dhunë e fundit ka treguar se ajo do të vazhdojë të kthehet derisa të adresohen problemet e vërteta.
Shtetet e Bashkuara mund të preferojnë të mos mendojnë për të gjitha këto për tani.
Por, në planin afatgjatë, Izraeli mund të zbulojë se nuk mund të mbështetet tek një partner kaq i bindur.
Përkthyer dhe përshtatur nga The Guardian/ konica.al
VAZHDO TË LEXOSH MË TEPËR PËR TEMËN
“Israeli, ‘macja e zezë’ për Lindjen e Mesme”
A do të jetë Biden më mirë për Lindjen e Mesme?
