Gjashtë ndeshje dhe gjashtë humbje për kombëtaren e Shqipërisë në volejboll për meshkuj, që luajti për dy javë me radhë në eliminatoret e Europianit 2021.
Kombëtarja e drejtuar nga trajneri Jani Melka ishte në Grupin E eliminator, bashkë me Sllovakinë, Rumaninë e Zvicrën, ndaj të cilave humbi nga dy herë. Mbrëmjen e sotme, kombëtarja luajti ndeshjen e fundit, atë ndaj Zvicrës, ku u mund 3-1.
Shqipëria e nisi mirë ndeshjen, duke tuar 27-25 setin e parë, por nuk arriti ta ruajë këtë ritëm deri në fund. Zvicra fiton me lehtësi dy setet e tjera, 25- 15 e 25-19, duke përmbysur shifrat. Mjaft i fortë seti i katërt, ku duelohet deri në fund, por zviceranët tojnë 25-23 e krejt takimin 3-1.
Kjo përballje u luajt në Rumani, ku u zhvilluan ndeshjet e dyta në grup, ndërkohë që javën e kaluar, sdat e para, u zhvilluan në Sllovaki. Shqipëria zuri vendin e fundit në Grupin E, duke u eliminuar.
Shqipëria bëri një paraqitje në rritje nga sfidat e dyta, ndërkohë që në këto eliminatore ndikuan edhe disa mungesa. Për më tepër, që kombëtarja vinte pas një mungese 2-vjeçare në eventet ndërkombëtare dhe volejbolli në Shqipëri kohët e fundit ka qenë thuajse pushim. Kuqezinjtë në 6 ndeshje morën vetëm 4 sete.
Faza e parë, Sllovaki 6-8 maj
6 maj: Rumani – Shqipëri 3-0
7 maj: Zvicër – Shqipëri 3-0
8 maj: Shqipëri – Sllovaki 1-3
Faza e dytë, Rumani 14-16 maj
14 maj: Shqipëri – Rumani 1-3
15 maj: Shqipëri – Sllovaki 1-3
16 maj: Zvicër – Shqipëri 3-1
