Më 17 maj 1941, 19-vjeçari Vasil Laçi sulmoi makinën në të cilën udhëtonin Mbreti Viktor Emmanuel III dhe Shefqet Bej Vërlaci, kryeministri i Shqipërisë, të shoqëruar nga ministrat e qeverisë. Ai qëlloi katër herë kundër tyre, duke bërtitur “Rroftë Shqipëria, poshtë fashizmi”, por nuk arriti të godiste askënd.
Ngjarja ndodhi kur Viktor Emanueli i III-të kishte mbaruar vizitën e tij shtatë-ditore në Shqipëri dhe po largohej në drejtim të aeroportit të Laprakës, në rrugën e Durrësit, qëllohet disa herë me revolver në drejtim të tij, nga një djalosh 19-vjeçar. Mbreti Viktor Emanueli i III shpëtoi pa u qëlluar, vetëm falë të agjentëve të policisë së fshehtë italiane, që atë ditë ndodheshin në gatishmëri të lartë dhe ia kapën menjëherë revolverin djaloshit nga fshati Piqeras i Sarandës.
Ai qëlloi katër herë në drejtim të tyre, duke thirrur “Vdekje Fashizmit, Liri Popullit”, por pa mundur të vrasë vërtetë perandorin.
Laçi u arrestua menjëherë dhe u ekzekutua me varje në litar, dhjetë ditë më vonë.
Ai ishte një nga njerëzit e parë që do t’i jepet pas vdekjes nga ana e qeverisë komuniste shqiptare me titullin “Hero i Popullit”. Trimëria dhe karakteri luftarak i djaloshit, do të përjetësohej edhe në një libër e më vonë, në filmin “Plumba Perandorit”.
Është diskutuar gjatë për motivet që e shtynë Vasil Laçin, të qëllonte ndaj mbretit të Italisë. Ndërsa ministri i Jashtëm i Italisë i asaj kohe, Konti Çiano, e paraqet si një rast deliri dhe skizofrenie atentatin, ndryshe paraqitet nga shtypi shqiptar i kohës, por edhe më pas, kur këtij akti të pastër trimërie djhe atdhedashurie iu kushtuan libra dhe filma.
Atentati i Vasil Laçit në librat e historisë së Shqipërisë, konsiderohet si një nga atentatet e para, si fillimi i një kryengritje të madhe që po përgatitej.
Në librin “Yje të pashuar”, për të, thuhet: Vasil Laçi ka deklaruar para organeve fashiste, pas atentatit: “E bëra vetë, për Shqipërinë. Rroftë Shqipëria e Lirë! Poshtë fashizmi”!
Vasili ishte mjaft guximtar dhe për këtë kishte dhënë prova. Ditën që do largohej perandori nga Shqipëria, Vasili ishte zgjuar që me natë dhe i kishte thënë një shoku të tij: “Sot e kam radhën unë, ta përcjell perandorin”. Kishte përqafuar shokun fort dhe kishte dalë nga hoteli. Kudo vërtiteshin spiunë, milicë, karabinierë. Pritej nga çasti në çast, të kalonte perandori. Filloi kortezhi i veturave.
Në këtë atmosferë pasigurie dhe frike, rrethuar kudo me helmeta dhe armë, i riu patriot, Vasil Laçi, hyri në mes të turmës dhe priti rastin e volitshëm. Ai ngriti dorën e lidhur me fasho, mbi helmetat dhe grykët e armëve fashiste, për të qëlluar në drejtim të perandorit.
VAZHDO TË LEXOSH MË TEPËR PËR TEMËN
“Gëlltiteni Shqipërinë, sa më parë, aq më mirë!”
Kur meshohej shqip për Skënderbeun në Vatikan!
Skënderbeu dhe arbërorët përmes burimeve Agjiologjike
