MENU
klinika

"I mundur vetëm nën mandatin e KB"

Vuçiç deklaroi se është kundër ndryshimit të kufijve, por…

17.05.2021 - 07:12

Presidenti i Serbisë, Aleksandar Vuçiç së fundmi ka deklaruar se është kundër ndryshimit të kufijve, por kjo ide, sipas tij, do të mund të gjente zbatim vetëm nëse do të mandatohej nga Kombet e Bashkuara ose një institucion tjetër.

“Ndryshimi i kufirit është i mundur vetëm nën mandatin e Kombeve të Bashkuara ose ndonjë institucioni tjetër”, ka thënë Vuçiç.

Ndër të tjera në një intervistë për mediat vendase ai ka thënë se pozicioni i Serbisë bazohet në respektimin e ligjit ndërkombëtar.

Gjatë javëve të fundit, mediat në rajon, por edhe më gjerë, kanë shkruar për idetë për ndryshimin e kufijve të vendeve në rajonit të Ballkanit si mundësi për të zgjidhur çështjet e mbetura si të pazgjidhura nga procesi i shpërbërjes së ish-Jugosllavisë.

Mediat në Bosnje e Hercegovinë dhe në Slloveni kanë shkruar se për këto ide kryeministri slloven Janez Jansha, vendi i së cilit merr së shpejti edhe kryesimin e radhës të BE-së, kishte dorëzuar në Bruksel një “non paper”.

Ndërkohë disa shtete të BE-së, e më së shumti Gjermania, janë shprehur kundër ideve të tilla duke i quajtur si të rrezikshme.

Në gjuhën e institucioneve evropiane, non-paper është një dokument joformal, i cili ekspozohet në negociata të mbyllura brenda institucioneve të BE-së, në përpjekje për të gjetur marrëveshje për ndonjë çështje të kontestuar.

Ndërkohë Sllovenia, më 17 maj, do të jetë nikoqire e samitit të presidentëve të rajonit të Ballkanit Perëndimor, i njohur si Procesi Bërdo-Brioni.

Vuçiç tha se pas takimit të nivelit të lartë, ai do të vizitojë Brukselin. Bërdo-Brioni është një nismë e presidentëve të Sllovenisë dhe të Kroacisë, si dy shtete anëtare të BE-së, i cili synon forcimin e bashkëpunimit rajonal dhe nxitjen e dialogut politik midis rajonit të Ballkanit dhe BE-së.

"Kjo mund të ndodhë vetëm me luftë"

Daçiç: Prishtina nuk ka sovranitet në veri

Si model traktati i SHBA me Kanadanë

DW: Propozimi i SHBA për Liqenin e Ujmanit

Molla e sherrit midis Kosovës dhe Malit të Zi

Kosova kërkon kthimin e “Ganimete Tërbeshit”

"E rrezikshme që BE lejon të bllokohen fqinjët për çështje dypalëshe"

Negociatat/ Serbia kundër Bullgarisë, pro Tiranës e Shkupit