MENU
klinika

"Kemi vija të kuqe"

​Osmani për dialogun: Nuk pranojmë lëvizje të kufijve

10.06.2021 - 12:55

Presidentja, Vjosa Osmani, ka deklaruar se Kosova është e vendosur që të vazhdojë dialogun me Serbinë dhe të ketë bashkëpunim me të gjitha vendet fqinje, përfshirë Serbinë, pavarësisht faktit se ky shtet ende nuk ka kërkuar falje për krimet në rajon.

Ajo ka thënë se Kosova ka qëllime të qarta në dialog dhe assesi nuk do të pranojë lëvizje të kufijve. Këto deklarata Osmani i bëri në një konferencë të përbashkët për media me presidenten e Estonisë, Kersti Kaljulaid.

Osmani theksoi se kjo fazë e dialogut është një kapitull i ri për Kosovën. Presidentja shtoi se Kosova ka disa linja të kuqe, se çfarë nuk do të vihet në diskutim në takimet e Brukselit.

“Kosova është e vendosur që të vazhdojë dialogun dhe ne kemi vazhduar të bashkëpunojmë me vendet fqinje, përfshirë Serbinë, e cila ende nuk ka kërkuar falje për krimet e kryera në rajon. Kjo fazë e dialogut është një kapitull i ri për Kosovën, por ne kemi linja të kuqë se çfarë nuk do të vihet në diskutim. Nuk e diskutojmë assesi statusin tonë final. Kosova është vend i pavarur. Po ashtu, lëvizjën e kufijve nuk do ta pranojmë në asnjë mënyrë. Nuk do të pranojmë në Kosovë as modele si ajo e Republikës Serbe në Bosnjë, sepse ne duam ta mbrojmë Kosovën. Këto konsensione ne i kemi bërë me planin e Ahtisaarit. Një çështja e rëndësishme është edhe ajo e personave të zhdukur. Serbia duhet të tregojë se ku janë të zhdukurit”, ka deklaruar ajo.

Osmani ndodhet në një vizitë dy ditore në Estoni, ku do të pritet nga liderët shtetëror të këtij vendi, përfshirë presidentin e Parlamentit, Jüri Ratas dhe kryeministren Kaja Kallas.

VAZHDO TË LEXOSH MË TEPËR PËR TEMËN


"E kemi të qartë cila është busulla jonë historike..."

Samiti/ Albin Kurti niset drejt Tiranës, jep mesazhin e fortë


"Kjo mund të ndodhë vetëm me luftë"

Daçiç: Prishtina nuk ka sovranitet në veri

Si model traktati i SHBA me Kanadanë

DW: Propozimi i SHBA për Liqenin e Ujmanit

Molla e sherrit midis Kosovës dhe Malit të Zi

Kosova kërkon kthimin e “Ganimete Tërbeshit”

"E rrezikshme që BE lejon të bllokohen fqinjët për çështje dypalëshe"

Negociatat/ Serbia kundër Bullgarisë, pro Tiranës e Shkupit