“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Cilat janë shenjat dalluese të cistit në vezore?
Mjeku: Shumica e femrave kanë të paktën një herë në jetë ciste në vezore. Zakonisht ato shfaqen në moshën riprodhuese, por edhe te gratë në menopauzë, edhe pse në raste më të rralla. Në shumicën e rasteve janë beninje, ciste folikulare që formohen dhe largohen me ciklin menstrual dhe nuk kanë nevojë për trajtim, por ndodh ndonjëherë që janë shumë të mëdha dhe nuk hiqen vetë.
Si pasojë mund të lindë nevoja e ndërhyrjes kirurgjikale që mos të bëhen kanceroze ose të shkaktojnë gjendje më të rëndë shëndetësore. Por cilat janë disa nga shenjat që tregojnë se mund të keni një kist në vezoren tuaj? Mësojini më poshtë.
Dhimbje të padurueshme barku: Simptoma më e shpeshtë është ajo e dhimbjes së barkut. Mund ta ndjeni më shumë në anën e majtë ose të djathtë, aty ku janë të vendosura vezoret. Gjatë kohës që stërviteni dhimbja është më e ndjeshme, ose edhe gjatë aktit seksual. Do të ndjeni një dhimbje konstante po në të njëjtin vend edhe nëse periodat tuaja kanë kaluar.
Ndieni gjatë gjithë kohës fryrje barku: Kjo lidhet edhe me madhësinë e kistit. Shumica e grave vuajnë nga kiste të madhësisë 10 centimetra, por disa mund të rriten edhe më, deri në masën e një shalqiri. Kështu që, nëse ndieni fryrje vetëm në pjesën e barkut dhe përreth, bëni një kontroll tek mjeku.
Duket sikur doni të urinoni gjatë gjithë kohës: Ju duket sikur situata është urgjente dhe duhet të liroheni patjetër, por e keni të vështirë. Ndoshta është kisti që bllokon dhe krijon probleme në fshikzën urinare.
Hemorragji edhe nëse nuk jeni në ditët e ciklit: Kur kisti i vezores zhvillohet, ato ndikojnë gjithashtu në hormone. Gratë me vezore policistike, që do të thotë se vezorja e tyre prodhon me qindra kiste në mënyrë kronike, kanë hemorragji të papritur, pavarësisht menstruacioneve.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
