Edhe pse luhej në Rusi, pikërisht në Sant Petersburg, Belgjika ka arritur të shënojë fitore me rezultat bindës 3-0, në kuadër të raundit të parë në grupin B të Kampionatit Evropian.
Belgët e kryen detyrën qysh në pjesën e parë. Fillimisht Romelu Lukaku shënoi golin e parë në minutën e 10-të të ndeshjes. Në minutën e 34-të Meunier e dyfishoi epërsinë e Belgjikës, çka krijoi komoditetin te skuadra e tij.
Pjesa e dytë dha një pasqyrë krejt tjetër nga ajo e para. Rastet munguan shumë dhe dy ekipet nuk treguan asgjë. Belgjika veçse e kishte kryer punën, ndërsa Rusia nuk arriti të bënte asgjë në sulm.
Në fund, Lukaku e vulosi rezultatin e këtij takimit me golin e dytë personal dhe të tretin për Belgjikën në minutën e 88-të. Lukaku ia dedikoi golin Eriksen, që luftoi sot për jetën pas një arresti kardiak.
Me këtë fitore, Belgjika shkon në vendin e parë në grupin B me tri pikë, aq sa ka edhe Finlanda, ndërsa Danimarka dhe Rusia mbesin pa pikë pas xhiros së parë.
VAZHDO TË LEXOSH MË TEPËR PËR TEMËN
Eriksen kërkoi që ndeshja të luhej, humb Danimarka
