24.06.2021 - 19:41
Kur mbetet edhe 1 muaj nga fillimi i Lojërave Olimpike që do të zhvillohen në Tokyo të Japonisë (23 korrik-8 gusht), shkon në 9 numri i sportistëve shqiptarë që do të marrin pjesë.
Në disiplinën e xhudos, Shqipëria do të përfaqësohet nga sportisti Indrit Çullhaj, i cili në karrierën e tij ka fituar plot 78 medalje në këtë sport. Lajmin e konfirmoi Komiteti Olimpik Shqiptar, teksa Çullhaj ka marrë ftesën.
Çullhaj ka arritur të dalë 3 herë kampion Ballkani në garat e zhvilluara në rajon. Xhudisti shqiptar do të garojë në kategorinë 66 kg dhe pritshmëritë janë të mëdha për një vend mes më të mirëve.