MENU
klinika

Asgjë nuk ndryshon

Greqia zgjat sërish afatin e bllokimit të kalimit nga Kapshtica

07.06.2021 - 10:46

Greqia vijon t’i mbajë të mbyllur kufijtë me Shqipërinë. Vendimi më i fundit që vjen nga pala greke është zgjatja e afatit të bllokimit të lëvizjes nga Kapshtica edhe për një javë tjetër.

“Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se regjimi i hyrje-daljeve të shtetasve, nuk do të ndryshojë deri në datën 14.06.2021″, bwhet me dije zyrtarisht nga Stacioni i Policisë Kufitare Kapshticë.

Në drejtim të Greqisë do të lejohet hyrja e shtetasve shqiptarë, me statusin e punëtorit sezonal përgjatë intervalit kohor nga ora 08:00-16:00. Këta shtetas do t’i nënshtrohen një testi të shpejtë COVID-19, pranë palës greke të kësaj pike kalimi.

Kuota ditore e pranimit vijon të jetë 400 persona, të cilët duhet të plotësojnë formularin e regjistrimit PLF në adresën http://www.travel.gov.gr dhe pasi të kenë marrë konfirmimin, mund të lejohen që të hyjnë në tokën greke.

Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo europianë të tjerë).

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.

VAZHDO TË LEXOSH MË TEPËR PËR TEMËN