Modelja e njohur shqiptare Emina Cunmulaj, prej javësh ka nisur pushimet verore me të afërmit e saj në Malin e Zi. Së fundmi ajo ka udhëtuar drejt Ulqinit, ku me jaht ka vizituar vijën bregdetare. Por në këtë qytet shqiptar, nuk ka mundur që të ankorojë jahtin e madh me të cilin po udhëtonin në gjithë vijën bregdetare.
E revoltuar, modelja shqiptare shkruan së agjencitë ju thonë kapitenëve se nuk lejohet që të ankorohen jahte në Ulqin, problem ky që ndikon në ekonominë e qytetit, për sa i përket zhvillimit të turizmit, pasi jahtet ankorohen vetëm në veri të vendit.
Modelja nënvizon se ky është një diskriminim për Ulqinin i cili do të mund të zhvillohej shumë më shumë duke shfrytëzuar maksimalisht vijën e tij bregdetare.
“A e keni pyetur veten pse ka kaq shumë jahte të mëdhenj në gjithë vijën bregdetare të Malit të Zi përveçse në Ulqin? Tani mësova se agjencitë ju thonë kapitenëve se nuk lejohet që të ankorojnë në Ulqin, nuk kanë leje, kështu faji i kujt është ky? A është ky një ligj apo agjencitë e jahteve kanë futur në listë të zezë Ulqinin? Do arrij në krye të kësaj çështje, sepse nuk është e drejtë dhe nuk është korrekte. Pse nuk mund ta ankoroj jahtin tim në Ulqin?
Dhe për ju që thoni ‘Wow çfarë problemesh ke’, më besoni ky është problemi juaj më shumë se i imi. Unë jam këtu për 1, 2 muaj dhe pastaj vazhdoj jetoj jetën time.. por për dashurinë që kam për vendin tim dhe për njerëzit e mi nuk do të hesht. Nëse ju heshtni dhe nuk flisni do të thotë se gjithë bizneset e turizmit do të shkojnë në bregdetin verior, ndërsa ju në Ulqin nuk do të merrni asgjë. Kështu që vazhdoni heshtni dhe qëndroni siç keni qenë 20 vite më parë”, shkruan Emina e revoltuar.
