04.06.2021 - 22:39
Italia e Roberto Mancinit duket gati për Europianin dhe sonte tregoi edhe njëherë forcën ndaj Cekisë. Axurrët fituan 4-0 në sfidën miqësore të luajtur në Bologna, duke shënuar nga dy herë për secilën pjesë loje.
Në fillim shënoi Immobile brenda zone, pastaj ishte radha e saposhpallurit kampion Italie, Barella, që edhe me pak fat, gjeti golin e dytë. Pjesa e parë përfundoi 2-0.
Në pjesën e dytë, Insigne shënoi golin e tretë në minutën e 66-të. Pa kaluar 7 minuta, Berardi fiksoi shifrat në 4-0, rezultat që mbeti në fuqi deri në fund. Italia bind plotësisht. Përvecse shënon shumë gola, nuk pëson, të dhëna që e bëjnë skuadrën e Mancinit një nga pretendentët e Euro 2020.
