Një 76-vjeçar, i cili mendohet se është kryetari i familjes më të madhe në botë, ka ndërruar jetë. Ziona Chana, nga India, ndërroi jetë të dielën, në spita,l duke lënë pas 38 gra, 89 fëmijë dhe 36 nipër e mbesa.
Lajmet për vdekjen e 76-vjeçarit u konfirmuan nga kryeministri i Mizoram, Zoramthanga, i cili shprehu ngushëllimet në një postim në Twitter.
“Mizoram dhe fshati Baktawng Tlangnuam, u bënë një atraksion turistik i madh në vend, për shkak të familjes së Chana,”- shkroi kryeministri.
Raportohet se Chana vuante nga diabeti dhe hipertensioni. Gjendja e tij u përkeqësua ndërsa ishte në shtëpi dhe të dielën u dërgua në spital, por nuk arriti të mbijetojë.
Ai ishte udhëheqësi i një sekti të krishterë, të quajtur “Chana pawl”, që lejon poligaminë për burrat.
Të gjithë anëtarët e familjes gjigante, jetonin në një shtëpi katërkatëshe me 100 dhoma, në kodrat e fshatit të largët, Baktawng Tlangnuam.
“Ndihem si fëmija i veçantë i Zotit. Ai më ka dhënë kaq shumë njerëz, për t’u kujdesur”- ka thënë gjatë një interviste Ziona, ku shprehej se ndihej i bekuar që kishte një familje kaq të madhe. “ E konsideroj veten me fat që jam burri i 38 grave dhe kryefamiljari i familjes më të madhe.”
VAZHDO TË LEXOSH MË TEPËR PËR TEMËN
“Besimtari pa besim” i Par Lagerkvistit
‘1700 priftërinj abuzuan me 3700 fëmijë’
‘Qytetari’ Orson Welles
