MENU
klinika

"Nuk morëm asgjë, Biden ia la skenën Rusisë"

Trump: Askush nuk e ka trajtuar më ashpër se unë Putinin

17.06.2021 - 10:13

Ish-Presidenti i SHBA, Donald Trump ka komentuar takimin Biden-Putin në Samitin e mbajtur ditën e djeshme në Genevë.

Në një intervistë për ”Fox News’’ Trump e cilësoi Samitin si një ditë të mirë për Rusinë kurse SHBA nuk mori asgjë.

“Një ditë e mirë për Rusinë.Unë nuk shoh se çfarë fituam prej saj”.- tha Trump.

Ai tha se Biden ia la skenën Rusisë teksa nuk kërkoi. Po ashtu Trump kujton se me Putinin kishte një marrëdhënie shumë të mirë, por askush nuk e trajton më ashpër seç e trajtonte ai kur ishte President i SHBA.

“Ne nuk morëm asgjë. Ne i dhamë një skenë shumë të madhe Rusisë dhe nuk morëm asgjë. Ne kemi hequr dorë nga diçka që është tepër e vlefshme. Unë ndalova tubacionin, Nord Stream [2], dhe ai tubacion u ndalua. Ajo u kthye dhe asgjë nuk u mor për të.  Unë kisha një marrëdhënie shumë të mirë me Putinin, por askush nuk e trajtoi më ashpër.’’- tha Trump.