Situatë e nderë në Brazil, trajneri drejt largimit

Më 11 qershor, nuk do të nisë vetëm Kampionati Europian, por edhe Copa America, që do të zhvillohet në Brazil. Por vetë Selecao po kalon një situatë të nderë.

Lojtarët e Brazilit janë kundër zhvillimit të kompeticionit në vendin e tyre, pasi situata me koronavirus është përkeqësuar dukshëm. Futbollistët kanë paralajmëruar nëpërmjet kapitenit Casemiro se do të largohen nga kombëtarja dhe nuk do jenë pjesë e turneut.

Gjithashtu, në media flitet edhe mbi një largim të mundshëm të trajnerit Tite. Thuhet se ky i fundit po mendon largimin, pak ditë para fillimit të Copa America, diçka që do të krijonte një kaos total.